Þátttaka í nemendamótum er mikilvægur og ómetanlegur þáttur í starfi tónlistarskóla.

Helgina 9. – 10. september tóku nokkrir blásaranemendur Tónlistarskóla Árnesinga þátt í blásarasveitamóti í Vestmannaeyjum og helgina 6. – 8. október sóttu nokkrir strengjanemendur strengjamót á Akureyri. Á hvoru móti fyrir sig tóku þátt um 200 nemendur af öllu landinu.

Að taka þátt í mótum sem þessum er alltaf mikil upplifun. Nemendur fá tækifæri til að leika saman í stórum hljómsveitum undir handleiðslu úrvals stjórnenda. Þeir kynnast nýjum verkefnum og koma alltaf margefldir aftur heim.

Nemendur okkar stóðu sig afskaplega vel á báðum mótunum. Kennurum sem undirbjuggu og fylgdu nemendum og þeim sem […]

Stjórn Tónlistarskóla Árnesinga (skipuð þremur fulltrúum sveitarfélaga) ásamt skólastjóra, heimsóttu kennslustaði í uppsveitum Árnessýslu þann 25. september. Aðstaða til kennslu er ólík milli kennslustaða, sums staðar góð en annars staðar mætti búa betur að tónlistarkennslunni hvað varðar rými, hljóðeinangrun, hljóðvist og/eða aðgengi.

Viðkomustaðir voru Kerhólsskóli, Bláskógaskóli Laugarvatni, Reykholtsskóli, Flúðaskóli og Félagsheimili Hrunamanna, Þjórsárskóli og bókasafnið í Brautarholti. Stjórnarmenn þakka innilega fyrir góðar móttökur á kennslustöðum Tónlistarskólans.

Á myndinni hér fyrir neðan má sjá stjórnarfólkið þau Erlu Sif Markúsdóttur, Svein Inga Sveinbjörnsson og Kjartan Björnsson, ásamt Gesti Áskelssyni tónlistarkennara og Írisi Önnu Steinarsdóttur skólastjóra Bláskógaskóla á Laugarvatni.

[…]

Þrír núverandi og fyrrverandi fiðlunemendur Tónlistarskóla Árnesinga léku með Ungsveit SÍ 24. september sl. í Eldborgarsal Hörpu. Þetta voru þær Hugrún Birna, Hildur Tanja og Eyrún Huld sem jafnframt var konsertmeistari tónleikanna. Lék hljómsveitin Draumórasinfóníuna eftir Hector Berlioz. Hljómsveitarstjóri var Nahanaël Iselin.

Markmið með Ungsveitinni er að gefa tónlistarnemendum vettvang til að kynnast krefjandi hljómsveitarleik og þarf að standast prufuspil til að komast í hljómsveitina. Þá taka við stífar æfingar sem lýkur með tónleikum. Tónleikar Ungsveitarinnar voru einstaklega vandaðir og ljóst að að baki liggur vönduð og mikil vinna.

[…]

Skólaslit fóru fram með hefðbundnum hætt á öllum kennslustöðum tónlistarskólans í vor. Hér fyrir neðan má sjá nokkrar myndir frá skólaslitunum þar sem flutt var fjölbreytt tónlist og próftakar tóku við skírteinum.

Við þökkum nemendum okkar innilega fyrir samfylgdina í vetur og óskum þeim áfram góðs gengis á tónlistarbrautinni.

[…]

Hildur Tanja Karlsdóttir útskrifaðist frá Tónlistarskóla Árnesinga með framhaldspróf á fiðlu vorið 2023. Framhaldsprófstónleikarnir fóru fram í Hveragerðiskirkju 15. maí og voru þeir afskaplega glæsilegir. Aðrir flytjendur á tónleikunum voru Milós Dalmay á píanó og Elísabet Anna Dudziak á fiðlu. Það var María Weiss fiðlukennari sem fylgdi Hildi Tönju í gegnum framhaldsprófið, en á myndinni er einnig Guðmundur Pálsson fiðlukennari sem fylgdi henni fyrstu skrefin.

Við óskum Hildi Tönju innilega til hamingju með þennan stóra áfanga.

/Helga […]