Nótan 2024.

Þeir stóðu sig vel nemendur okkar sem komu fram á Nótunni (uppskeruhátíð tónlistarskóla á landsvísu) í Salnum í Kópavogi þann 13. apríl.

Hildur Kristín Hermannsdóttir lék eigin útsetningu á Pianoman eftir Billy Joel á píanó – og Valdís Jóna Steinþórsdóttir lék Rondo eftir Saint-Georges á sópranblokkflautu við píanóundirleik Björns Pálma Pálmasonar.

Dömurnar komu fram á þriðju og síðustu tónleikum dagsins og voru skólanum til mikils sóma.

Hér fyrir neðan má sjá myndir frá æfingu og tónleikum.

/Helga Sighv.

Fiðlukvartett í Listasafni Árnesinga. Fimmtudaginn 21. mars stóðu Bókabæirnir austan fjalls fyrir margmála ljóðakvöldi í Listasafni Árnesinga í Hveragerði. Fiðlukvartett, skipaður nemendum Maríu Weiss, þeim Ásthildi, Bryndísi Heklu, Guðrúnu Birnu og Hugrúnu Birnu, lék tvö skemmtileg verk á ljóðakvöldinu. Þarna fléttuðust saman myndlist, ljóðlist og tónlist á mjög skemmtilegan hátt í listrænu umhverfi undir stjórn Jónínu Sigurjónsdóttur sem hélt utan um dagskrána.

/Helga Sighv.

Helga Höeg Sigurðardóttir lauk námi við Tónlistarskóla Árnesinga með glæsilegum tónleikum í sal skólans föstud. 22. mars. Henni var vel fagnað í lok tónleika af gestum sem fylltu salinn. Eyrún Huld Ingvarsdóttir lék með Helgu í einu verkanna, á fiðlu. Kennari Helgu var Miklós Dalmay. Við óskum Helgu Höeg innilega til hamingju með þennan stóra og glæsilega áfanga!

/Helga Sighv.

Að afloknum tónleikum: Helga, Eyrún og Miklós

Mið- og framhaldsdeildartónleikar voru haldnir 12. og 14. mars í hátíðarsal Stekkjaskóla og í Hveragerðiskirkju.

Nemendur stóðu sig afskaplega vel á báðum tónleikunum, þar sem fjölbreytt dagskrá og falleg framkoma nemendanna fékk notið sín í góðum hljómburði á báðum stöðum.

Nemendur, kennarar og meðleikarar fá hjartans þakkir fyrir allan undirbúninginn og frábæra frammistöðu á tónleikunum.

Hér fyrir neðan má sjá nokkrar myndir frá báðum tónleikum.

/Helga Sighv.

Frá miðdeildartónleikum:

[…]

Tónlistarskólinn fær reglulega hópa erlendra gesta í heimsókn.

12. mars sl. kom hópur nemenda frá Berlín, sem stundar nám vegna starfa við aðhlynningu. Íslandsheimsókn er hluti námsins og heimsækja nemendur ýmsa skóla og stofnanir sem tengjast viðfangsefninu. Í tónlistarskólanum fá gestirnir upplýsingar um starfsemi skólans og tónlistarkennslu á Íslandi og fá um leið tækifæri til samtals um áhrif tónlistariðkunar á heilann og líðan.

Á myndinni má sjá hópinn að afloknu erindi.

/Helga Sighv.

Nemendaheimsókn. Hópur færeyskra blokkflautunemenda heimsótti Tónlistarskóla Árnesinga helgina 8. – 10. mars, ásamt kennara sínum Lailu Nielsen. Blokkflautusveitir TÁ tóku á móti gestunum og æfðu nemendur allir saman nokkur íslensk og færeysk lög í útsetningu Lailu. Á laugardeginum skoðaði hópurinn Geysi og Gullfoss og endaði svo á að spila í Skálholtskirkju. Heimsókninni lauk með tónleikum á Selfossi á sunnudeginum þar sem þjóðlögin voru flutt og hver sveit flutti líka sitt efni.

Skemmtileg og lærdómsrík helgi var að baki, en samstarf af þessu tagi er alltaf mjög gefandi fyrir alla þátttakendur.

Hér fyrir neðan má sjá nokkrar myndir frá æfingahelginni.

/Helga Sighv.

[…]

Nemendur og kennarar Tónlistarskola Ánesinga koma víða við utan skólans.

Þar má nefna heimsóknir á hjúkrunarheimili á haustönn, spilamennska á ýmsum stöðum í desember og hljóðfærakynningar í grunnskólunum á vorönn:  Bekkjatónleikar eru að verða fastur liður í sífellt fleiri grunnskólum sýslunnar. Á þessum tónleikum koma fram nemendur í tónlistarnámi og leika fyrir bekkjarfélagana. Þessi hefð hefur lengi verið í gangi t.d. í Hveragerði í desember, en nú hafa Stekkjaskóli og Barnaskólinn á Eyrarbakka og Stokkseyri tekið þetta upp með formlegum hætti. Myndirnar hér fyrir neðan eru frá bekkatónleikum á Stokkseyri 6. mars.

/Helga Sighv.

[…]

Tónleikar söngnemenda ásamt Sólrúnu Bragadóttur og Jóni Sigurðssyni voru haldnir 28. febrúar. Sólrún og Jón fluttu fjölbreytta söngdagskrá og á milli stigu þrír söngnemendur skólans á svið til skiptis.

Það er alltaf gefandi að fá að undirbúa tónleika með atvinnutónlistarmönnum, en allt slíkt samstarf kryddar skólastarfið og gefur mikið af sér til nemendanna. Þetta samstarf heldur áfram í apríl, þegar söngnemendur sækja meistaranámskeið hjá Sólrúnu og Jóni.

Nemendur sem komu fram á tónleikunum voru þau Karolina Konieczna, Kristína G. Guðnadóttir og Davíð Art Sigurðsson.

Við þökkum gestum og flytjendum innilega fyrir skemmtilega kvöldstund.

/Helga Sighv.

[…]

Jólakveðja tónlistarskólans 2023 var tekin upp 13. desember. Hér fyrir neðan má sjá nokkrar myndir.

– – –

Starfsfólk Tónlistarskóla Árnesinga óskar nemendum og fjölskyldum þeirra gleðilegra jóla með þökkum fyrir árið sem er að líða.

Jólakveðjuna í ár flytja hjóðfæra- og söngnemendum skólans ásamt kennurum.

Lagið er Gleði og friðarjól eftir Magnús Eiríksson í útsetningu Jóhanns I. Stefánssonar.

Einsöngvari er Rúnar Baldvin Felixson.

Sjá hér: https://fb.watch/p5GL7ro2L0/

Megi árið 2024 verða ykkur gæfuríkt og farsælt á tónlistarbrautinni.

– – –

Að vanda koma margir kennarar að undirbúningi, flutningi og upptökum jólakveðjunnar:

Margrét S. Stefánsdóttir stjórnaði söngfuglum og söngvurum

Vignir Ólafsson stjórnaði rytmísku bandi og lék á rafgítar

Örlygur Benediktsson lék á klarínettu

Ulle Hahndorf lék á selló

Stefán I. Þórhallsson lék á trommu og sá um upptökur

Jóhann I. Stefánsson sá um útsetningar og upptökur

Guðmundur […]

Jólaball Suzukideildar er alltaf skemmtilegur viðburður í skólahaldinu. Þar koma saman allir Suzuki-nemendur, leika jólalögin saman og hvert fyrir annað. Jólasveinninn kemur í heimsókn, dansað er í kringum jólatré og að lokum fá nemendur og aðstandendur smákökur og safa.

Hér fyrir neðan má sjá nokkrar myndir frá jólaballinu.

[…]