Miðdeildartónleikar verða haldnir í sal skólans að Eyravegi 9 á Selfossi, fimmtud. 17. mars kl. 18:15. Fram koma nemendur á miðstigi sem leika á ýmis hljóðfæri og dagskráin því mjög fjölbreytt og skemmtileg. Allir hjartanlega velkomnir!

Svæðistónleikar Nótunnar (uppskeruhátíðar tónlistarskóla) fara fram í Salnum í Kópavogi 19. mars, kl. 13:00 og 15:00. Á tónleikunum koma fram nemendur frá Suðurlandi, Suðurnesjum og úr Kraganum og taka þrjú atriði þátt frá Tónlistarskóla Árnesinga. Kl. 13:00 stíga tvö atriði á svið frá T.Á, þ.e. rytmíska sveitin ÍSA-tríó undir stjórn Vignis Ólafssonar og Arnar Gísli Sæmundsson söngnemandi ásamt Margréti S. Stefánsdóttur kennara sínum. Kl. 15:00 leikur svo gítartríó undir stjórn Birgitar Myschi. Aðgangur að tónleikunum er ókeypis og allir hjartanlega velkomnir! Nánari upplýsingar um Nótuna má finna á þessari slóð: Nótan | Kennarasamband Íslands (ki.is) og í þessari auglýsingu: Svæðistónleikar Nótunnar 2022-A3-prentútgáfa

Framhaldsdeildartónleikar verða haldnir í sal skólans að Eyravegi 9 á Selfossi, föstud. 25. mars kl. 17:00 Fram koma nemendur á framhaldsstigi sem leika á ýmis hljóðfæri og dagskráin því mjög fjölbreytt og skemmtileg. Allir hjartanlega velkomnir!

Prófadagar verða 30. og 31. mars og 1. apríl. Á prófdögum fellur niður ölla kennsla, en kennarar verða á ferð og flugi að prófdæma nemendu og með sína nemendur í prófum. Um helmingur nemenda skólans tekur próf á prófadögum, en aðrir nemendur eru staddir á milli prófa. Upplýsingar um hvort nemendur taka próf núna í vor fást hjá kennurum, en kennarar meta hvenær nemendur skulu þreyta próf.

Páskafrí verður dagana 9. – 18. apríl.

Sumardagurinn fyrsti verður 21. apríl. – Öll kennsla fellur niður sumardaginn fyrsta.

Vínarbrauðstónleikar strengjadeildar verða haldnir í Félagsheimilinu Árnesi sunnud. 1. maí. Á þessum skemmtilegu tónleikum koma fram strengjasveitir skólans, sellóhópur og allir starfandi fiðlu-, víólu- og selló-Suzukihópar. Vínarbrauðstónleikar hafa átt fastan sess í tónleikahaldi skólans og verið haldnir nær óslitið í 20 ár. - Heilmikil strengjatónlistarhátíð. Aðgangur er ókeypis og allir hjartanlega velkomnir!

Skólaslit verða aftur með hefðbundnu sniði í vor, eftir tveggja ára hlé. Á hverjum kennslustað eru haldin skólaslit með tónlistarflutningi og afhendingu prófskírteina. Dagskrá skólaslitanna er skemmtilega ólík og ræðst það af nemendafjölda. Á minnstu kennslustöðunum leika allir nemendur sveitarfélagsins og eru skólaslitin þá um leið vortónleikar nemendanna. Á stærri kennslustöðum eru leikin valin atriði sem sýna þversnið kennslunnar og á Selfossi koma nær eingöngu fram hljómsveitir og samspilshópar. Allir hjartanlega velkomnir!   Skólaslitin eru 10 alls og verða sem hér segir: mánud. 16. maí 17:00 – Flúðir – í Félagsheimili Hrunamanna   fimmtud. 19. maí 17:30 – Laugarvatn – í grunnskólanum [...]

Arnar Gísli Sæmundsson lýkur framhaldsnámi í söng í vor með framhaldsprófstónleikum í Hveragerðiskirkju þriðjud. 17. maí kl. 18:00. Flutt verða verk eftir Árna Thorsteinsson, Caccini, Durante, Schubert, Brahms, Sjöberg, Freddy Mercury, Curtis, Rota, Schönberg, Donizetti og Puccini. Aðrir flytjendur: Ester Ólafsdóttir meðleikur á píanó og sönghópur tónlistarskólans. Aðgangur að tónleikunum er ókeypis og allir hjartanlega velkomnir.  

Elísabet Anna Dudziak lýkur framhaldsnámi í fiðluleik í vor með framhaldsprófstónleikum í Hveragerðiskirkju fimmtud. 19. maí kl. 18:00. Flutt verða verk eftir Bach, Mozart, Brahms, Bloch og Hellmesberger Aðrir flytjendur: Miklós Dalmay píanó, Eyrún Huld Ingvarsdóttir fiðla og Hildur Tanja Karlsdóttir fiðla Aðgangur að tónleikunum er ókeypis og allir hjartanlega velkomnir.