Fjáröflunartónleikar Suzuki-blokkflautunemenda verða sunnud. 7. apríl kl. 16:00 í sal tónlistarskólans Eyravegi 9 á Selfossi.   Safnað er fyrir námsferð til Malvern á Englandi í sumar. Á tónleikunum verða seldar vöfflur, kaffi og heitt kakó.   Allir hjartanlega velkomnir

Páskafrí verður dagana 13. - 22. apríl. Kennsla hefst aftur eftir páskafrí þriðjud. 23. apríl.

Sumardaginn fyrsta fellur niður öll kennsla í tónlistarskólanum.

Umsóknir fyrir næsta vetur. Umsóknarfrestur nemenda í námi er til 1. maí 2019. Sótt er um í gegnum foreldragátt á heimsíðu skólans www.tonar.is (eða í nemendaskrá https://schoolarchive.is/innskraning) Sjá nánar hér: Dreifibréf Umsókn eldri nema 2019  

Píanó-hringekjuhátíð verður haldnir í Hveragerðiskirkju mánud. 6. maí kl. 17:00 – 19:00. Byrjendur og þeir sem stefna að 1. stigi í píanóleik hafa í vetur fengið tækifæri til að æfa saman fjórhent og sexhent lög í verkefni sem kallast Hringekjan. Hugmyndin með hringekjunni er sú að gefa píanónemendum möguleika á að upplifa þann sterka félagslega þátt sem fylgir hljómsveitastarfi og samspili nemenda á hljóðfæri. Komu nokkrar píanó-hringekjur fram á svæðistónleikum á Degi tónlistarskólanna í febrúar og léku lagasyrpur sem tókust afskaplega vel. Lokaþáttur verkefnisins verður uppsekruhátíð Hrinekjunnar 6. maí í Hveragerði. Fær allur hópurinn tækifæri til að æfa og leika saman, [...]

Framhaldspróftónleikar Unnur Þórisdóttir syngur á framhaldsprófstónleikum í Selfosskirkju, fimmtud. 9. maí kl. 18:00. Með tónleikunum lýkur Unnur söngnámi frá Tónlistarskóla Árnesinga. Á dagskrá eru m.a. verk eftir Pál Ísólfsson, Bach, Brahms, Mozart og Schubert.   Meðleikur á píanó: Einar Bjartur Egilsson Aðrir flytjendur: Kolbrún Björk Ágústsdóttir þverflauta, Arnar Gísli Sæmundsson söngur og Sönghópur.   Aðgangur að tónleikunum er ókeypis og allir hjartanlega velkomnir.  

Framhaldsprófstónleikar Berglind María Ólafsdóttir syngur á framhaldsprófstónleikum í Hveragerðiskirkju, fimmtud. 9. maí kl. 20:00. Með tónleikunum lýkur Berglind María söngnámi frá Tónlistarskóla Árnesinga.   Á dagskrá eru m.a. verk eftir Sigvalda Kaldalóns, Jón Þórarinsson, Gunnar Reyni Sveinsson, Caccini, Haydn, Loesser, Schubert, Strauss og  Puccini.   Meðleikur á píanó: Einar Bjartur Egilsson Aðrir flytjendur: Sædís Lind Másdóttir og Sönghópur.   Aðgangur að tónleikunum er ókeypis og allir hjartanlega velkomnir.

Tónlistarskóli Árnesinga setur upp ævintýraóperu núna í maí. Fær þema vetrarins (3+) að njóta sín vel, því þátttakendur verða yfir 150 talsins. Þar koma fram flestar hljómsveitir skólans og fjölmargir samspilshópar, auk söngvara og einleikara. Söguþráður óperunnar er margslunginn, en þar fléttast saman ævintýri, þjóðsögur og sögupersónur víða að. Verður spennandi að sjá hvernig tónlistin fléttast inn í söguþráðinn.   Haldnir verða þrennir tónleikar í Menningarsal Art Hostel, Hafnargötu 9, Stokkseyri. Föstud. 10. maí kl. 19:00 Laugard. 11. maí kl. 14:00 Laugard. 11. maí kl. 17:00 Aðgangur að tónleikunum er ókeypis og allir hjartanlega velkomnir.

Lokatónleikar Karítas Birna Eyþórsdóttir heldur lokatónleika á fiðlu í Básnum Ölfusi, mánud. 13. maí kl. 20:00. Með tónleikunum lýkur Karítas Birna fiðlunámi við Tónlistarskóla Árnesinga.   Meðleikur á píanó: Einar Bjartur Egilsson   Aðgangur að tónleikunum er ókeypis og allir hjartanlega velkomnir.

Framhaldsprófstónleikar Sædís Lind Másdóttir syngur á framhaldsprófstónleikum í Hveragerðiskirkju, fimmtud. 16. maí kl. 20:00. Með tónleikunum lýkur Sædís Lind söngnámi frá Tónlistarskóla Árnesinga.   Á dagskrá eru m.a. verk eftir Pál Ísólfsson, Loft Guðmundsson, Jórunni Viðar, Jón Þórarinsson, Bach, Braga, Brahms, Lehar og Puccini.   Meðleikur á píanó: Einar Bjartur Egilsson Aðrir flytjendur: Berglind María Ólafsdóttir söngur, Karítas Birna Eyþórsdóttir fiðla og Sönghópur.   Aðgangur að tónleikunum er ókeypis og allir hjartanlega velkomnir.