Tónlistarskóli Árnesinga festi kaup á sembal sl. vor. Hljóðfærið er keypt frá Klinkhammer-sembalverkstæðinu í Hollandi og fyrirmyndin er semball frá um 1700. Þetta eykur möguleika skólans umtalsvert að flytja renesans- og barokktónlist (16. - 18. aldar tónlist), þar sem söngur, blokkflautur og fleiri hljóðfæri fá notið sín með sembalnum. Semballinn verður notaður í fyrsta sinn á tónleikum Nordic Affect í Stokkseyrarkirkju 15. október kl. 20:00 (Guðrún Óskarsdóttir leikur á sembalinn). Með Nodic Affect koma að auki fram Ian Wilson blokkflautuleikari og Eyjólfur Eyjólfsson söngvari og langspilsleikari, sem einnig er kennari við tónlistarskólann. Tónleikarnir eru hluti af Menningarmánuðinum október í Árborg. /Helga [...]

Haustfrí verður í tónlistarskólanum dagana 17. - 22. október 2024. - Öll kennsla fellur niður þessa daga. ATH. að 17. og 18. október eru sameiginlegir stærstu grunnskólum sýslunnar og FSu, en 21. og 22. október bætast við í tónlistarskólanum vegna styttingar vinnutíma tónlistarkennara.

Iris Kramer Quartet heldur tónleika í sal Tónlistarskóla Árnesinga, Eyravegi 9, þann 31. október kl. 20:00. Tónleikarnir eru hluti af Október-menningarmánuði í Árborg. Sjá nánar hér: Iris Kramer Quartet | Viðburðadagatal | Sveitarfélagið Árborg (arborg.is) Aðgangseyrir 3.500 krónur   Kvartettinn skipa: Iris Kramer: Trumpet, Fluegelhorn, Compositon Henriette Thorun: Bass Jan Hauf: Drums Jonas Oppermann: Piano   Verið öll hjartanlega velkomin!

Dagana 6. - 13. nóvember verða haldnir 6 deildatónleikar í Stekkjaskóla. Miðvd. 6. nóvember – gítardeild kl. 18:30 Fimmtud. 7. nóvember - strengjadeild kl. 18:30 Föstud. 8. nóvember – rytmísk deild kl. 17:00 Mánud. 11. nóvember - píanódeild kl. 18:30 Þriðjud. 12. nóvember - blásaradeild kl. 18:30 Miðvd. 13. nóvember - blokkflautudeild kl. 18:30   Aðgangur að tónleikunum er ókeypis - Verið öll hjartanlega velkomin!

Hausttónleikar kennaranna standa núna sem hæst og eiga eftir að teygja sig eitthvað inn í desembermánuð. Á hausttónleikum fá nemendur að njóta sín sem einleikarar og fá þjálfun í framkomu, hver hjá sínum kennara. Upplýsingar um tímasetningar hausttónleika fást hjá kennurum.

Minningartónleikar 19. nóvember kl. 19:30 í Hveragerðiskirkju Söngnemendur og nokkrir hljóðfæranemendur Tónlistarskóla Árnesinga, í samstarfi við Söngsveit Hveragerðis, munu flytja lög eftir fyrrum píanókennara skólans Sigfús Ólafsson, sem orðið hefði áttræður í ár. Um leið minnumst við Hjartar Þórarinssonar sem lést í sumar, en hann var einn af stofnendum Tónlistarskóla Árnesinga árið 1955 og fjármálstjóri skólans til fjölda ára. Ásgeir Sigurðsson, fyrrum skólastjóri Tónlistarskólans, útsetti lögin. Aðgengur að tónleikunum er ókeypis. Verið öll hjartanlega velkomin!              Sigfús Ólafsson                       Hjörtur Þórarinsson    

Söngdeildartónleikar verða þriðjud. 10. desember kl. 18:00 í Hveragerðiskirkju Á tónleikunum koma fram bæði einsöngvarar og sönghópar bæði yngri og eldri nemenda. Fjölbreytt og skemmtileg dagskrá. Aðgangur að tónleikunum er ókeypis. Verið öll hjartanlega velkomin!

Jólaspilamennska. 19. og 20. desember er kennsla óhefðbundin. Í stað kennslu þessa daga farar kennarar með nemendur (eftir því sem við verður komið) út í samfélagið að leika jólalög og aðra fallega tónlist fyrir samborgarana. Sú spilamennska fer oft fram á öðrum dögum í desember, eða allt eftir því hvenær hægt er að heimsækja t.d. hjúkrunarheimili, leikskóla, verslanir, viðburði og annað sem óskað hefur verið eftir. Þá taka margir nemendur og kennarar tónlistarskólans virkan þátt í Litlu-jólum grunnskólanna þessa daga og leika undir dansi í kringum jólatré.

Jólafrí Tónlistarskóla Árnesinga stendur frá 21.12.2024 til 6.1.2025. - mánud. 6. janúar 2025 er frí vegna starfsdags kennara, - þriðjud. 7. janúar 2025 hefst kennsla á ný samkvæmt stundaskrá.