Jólafrí verður 21. desember 2023  til 3. janúar 2024. - Kennsla hefst á ný samkvæmt stundaskrá, fimmtud. 4. janúar.

Foreldraheimsóknarvikan 8. – 12. janúar Í heimsóknarvikunni eru foreldrar sérstaklega boðnir velkomnir í tíma með barni sínu. Ég hvet foreldra til að nýta þennan heimsóknartíma til að fara yfir miðsvetrarmatið og verkefni vorannar með kennurum. Auk þess að mæta í þessa formlegu heimsóknartíma eru foreldrar alltaf velkomnir í tíma og þurfa ekki að gera boð á undan sér.

Miðvikudaginn 14. febrúar (öskudag) fellur niður öll kennsla í Tónlistarskóla Árnesinga. Daginn nýta kennarar til fundahalda og námskeiða.

Vetrarfrí Tónlistarskóla Árnesinga stendur frá 19. - 23. febrúar. 19. og 20. febrúar eru sameiginlegir grunnskólunum og FSu, en 21. - 23. febrúar eru vegna styttingar vinnuviku tónlistarkennara.  

Sólrún Bragadóttir og Jón Sigurðsson efna til samstarfs við nemendur Tónlistarskóla Árnesinga með tónleikum á Selfossi og Desert Pálínuboði á eftir svo fólk geti spjallað við listafólkið og hvert annað! Á efnisskránni eru m.a. verk eftir Jean Sibelius, Richard Strauss, Hugo Wolf, Robert Schumann G.F. Haendel, Ernest Chausson ofl. Staður: Tónlistarskóli Árnesinga, Eyravegi 9 Selfossi, 3. hæð Stund: Miðvikud. 28. febrúar kl. 20:00 Miðaverð: 3000 kr. Frítt fyrir nemendur og kennara Tónlistarskóla Árnesinga Sjá nánar hér: Tónleikar með nemendum í Tónlistarskóla Árnesinga og desert Pálínuboð | Facebook  

Dagana 8. - 10. mars verða haldnar æfingabúðir blokkflautusveita Tónlistarskóla Árnesinga, ásamt færeyskum blokkflautunemendum. Æfð verða samspilslög úr ýmsum áttum, s.s. færeysk og íslensk þjóðlög, renesansdansar, dægurlög og tangóar, sem verða svo flutt á tónleikum 10. mars. Tónleikarnir verða haldnir í sal skólans Eyravegi 9 á Selfossi (3. hæð) 10. mars kl. 14:00. Aðgangur er ókeypis og allir hjartanlega velkomnir!

Miðdeildartónleikar Tónlistarskóla Árnesinga verða haldnir í sal Stekkjaskóla þriðjudaginn 12. mars, kl. 18:00. Á tónleikunum koma fram nemedur sem lokið hafa grunnprófi. Efnisskrá tónleikanna er fjölbreytt og gaman að sjá hve góðum tökum nemendur hafa náð á sín hljóðfæri, þegar hér er komið í tónlistarnáminu. Aðgangur að tónleikunum er ókeypis - verið öll hjartanlega velkomin!

Framhaldsdeildartónleikar Tónlistarskóla Árnesinga verða haldnir í sal Hveragerðiskirkju fimmtudaginn 14. mars, kl. 18:00. Á tónleikunum koma fram nemedur sem lokið hafa miðprófi. Efnisskrá tónleikanna er fjölbreytt og gaman að sjá hve góðum tökum nemendur hafa náð á sín hljóðfæri, þegar hér er komið í tónlistarnáminu.   Aðgangur að tónleikunum er ókeypis – verið öll hjartanlega velkomin!

Prófadagar 19. og 20. mars Kennsla fellur niður á prófadögum. Ekki taka allir nemendur próf á prófadögum, en það eru kennarar sem meta hvenær nemendur eru tilbúnir til að taka næsta stigspróf. Ef spurningar vakna biðjum við nemendur/foreldra að setja sig í samband við kennara.

FRAMHALDSPRÓFSTÓNLEIKAR Helga Höeg Sigurðardóttir lýkur framhaldsprófi í píanóleik frá Tónlistarskóla Árnesinga með opinberum tónleikum í sal tónlistarskólans Eyravegi 9 á Selfossi, 22. mars kl. 17:15.   Hvetjum við Sunnlendinga til að nýta sér þetta góða tækifæri til að hlýða á glæsilega tónleika, enda liggur mikil vinna að baki þegar kemur að útskrift frá skólanum.   Á dagskrá eru verk eftir Bach, Beethoven, Bartók, Rachmaninoff, Dvorák og Brahms. Meðleikur á fiðlu: Eyrún Huld Ingvarsdóttir. Kennari Helgu er Miklós Dalmay.   Aðgangur að tónleikum er ókeypis og allir hjartanlega velkomnir!