Dagana 23. – 25. mars fellur öll kennsla niður í Tónlistarskóla Árnesinga vegna prófa.

Ekki taka allir nemendur próf og helgast það af því hvar þeir eru staddir í námi. T.d. líður lengra á milli prófa hjá nemendum í hálfu námi; og að afloknu grunnprófi (3. stigi) líða alla jafna tvö ár á milli prófa. Nánari upplýsingar er að fá hjá viðkomandi kennara.

Um 240 – 250 nemendur munu taka próf á prófadögum. Í stað kennslu eru kennarar því uppteknir þessa daga, við að fylgja nemendum í próf eða að prófdæma.

Við óskum próftökum góðs gengis.